გაკვეთილის თემა _ გიორგი ლეონიძე ,,ყივჩაღის პაემანი" (XI კლასი) მასწავლებელი მაია ბაჯელიძე

სასწავლო მიზნები_გიორგი ლეონიძის ლექსის ანალიზი, მხატვრული სახეების ანალიზი. დაკვირვება მხატვრულ ენაზე, როგორც პოეტის ერთ-ერთ იარაღზე.

ეროვნული სასწავლო გეგმა_XI.8, XI.9, XI.7, XI.8

რესურსები_ XI კლასის სახელმძღვანელო, ხალხური ლექსი ,,შემომეყარა ყივჩაღი", მოსწავლეთა ჩანაწერები, ავტოკალამი, თაბახის ფურცლები. ტექნიკური რესურსი: ინტერნეტი_google.ge, კომპიუტერი, პროექტორი.

თანმიმდევრობა:

მასწავლებლის შესავალისაუბარი: გოგლა ლეონიძე, როგორც პოეტი (2წთ)

გაკვეთილის A ფაზა_გამოწვევა

აქტივობა 1_გონებრივი იერიში (2-3წთ). მონაწილეობს მთელი კლასი.

თქვენ წაიკითხეთ ხალხური ,,შემომეყარა ყივჩაღი". რა ემოცია გამოიწვია თქვენში ყივჩაღის სახემ?

სავარაუდო პასუხები:

გაკვეთილის B ფაზა _ ცოდნის კონსტრუირება

აქტივობა II _ჯგუფური მუშაობა (15წთ)

ჯგუფი 1 _ ენათმეცნიერები: მასწავლებლის დავალებით, გაანალიზებენ ლექსის ენობრივ ქსოვილს, იმსჯელებენ ენობრივ საშუალებებზე: ლექსიკა, სინტაქსი, სტილი. ამოიწერენ დასკვნებს, დაასაბუთებენ.

ჯგუფი 2 _ ფილოლოგები: გაანალიზებენ ლექსის იდეას. გამოკვეთენ მთავარს. გახსნიან სახე-სიმბოლოებს (გნოლი, ყორღანი, ნისლი...), მოიძიებენ მხატვრულ სამკაულებს და დაუდგენენ რეიტინგს (მაგალითად: ,,შენი ტუჩები ისე ტკბილია, როგორც ბადაგი დადუღებისას", ,,როგორც საძროხე ქვაბს ოხშივარი") პეიზაჟი, ალიტერაცია.

ჯგუფი 3 _ შემოქმედი: გამოთქმით წაიკითხავებ ლექსს, დაწერენ ესეს ლექსით აღძრულ შთაბეჭდილებაზე, დახატავენ რაიმეს _ დაასურათებენ ლექსს, დაუსვამენ კითხვას ლეონიძეს, თანაკლასელებს და მასწავლებელს.

ჯგუფი 4 _ მწიგნობრები: გაავლებენ პარალელს გიორგი ლეონიძის ,,ყივჩაღის პაემანსა" და ხალხურ  ,,შემომეყარა ყივჩაღს" შორის, გაიხსენებენ შოთა რუსთაველის ,,ვეფხისტყაოსანს", რატომ ახსენებს მას პოეტი ლექსში, იმსჯელებენ ამ ნაწარმოებთა მსგავსება-განსხვავებაზე.

გაკვეთილის C ფაზა _ რეფლექსია

აქტივობა III _ჯგუფის პრეზენტაცია (12წთ). თითოეულ ჯგუფს ეძლევა 3წთ.

აქტივობა IV _ ჯგუფების ნამუშევართა მიმოხილვა, შეჯამება (5წთ)

დავალება: გიორგი ლეონიძის ლექსის ანალიზი. 5-6 აბზაცით. თემას თავად შეურჩიეთ სათაური, ვთქვათ, ,,სიყვარული მარადიულია"_2წთ  

შეფასება: მიმდინარე, განმავითარებელი. ჩართულობის საფუძველზე ვაფასებ პრეზენტატორს. ჯგუფს ვაძლევ უფლებას შეაფასოს ერთი მოსწავლე_2წთ.

გაკვეთილის თემა _ ი.ლომოური ,,შემთხვევა'', ანალიზი (XII კლასი) მასწავლებელი ნინო ბილიხოძე

სასწავლო მიზნები_ნაწარმოების სტილზე დაკვირვებისა და შესაბამისი დასკვნების გამოტანის უნარ-ჩვევის განვიტარება; სტილისა და ინტერპრეტაციის შესაბამისობის გარკვევის უნარის განვითარება; მოსწავლეები მიუბრუნდებიან ტექსტს, დაუკვირდებიან მის დოკუმენტურ-ქრონიკალურ სტილს და იმსჯელებენ, განაპირობებ თუ არა ის იდეის ინტერპრეტაციას; შექმნიან ტექსტს ამ პრობლემაზე.

ეროვნული სასწავლო გეგმა_XII.9.

აქტივობები_კითხვა, დაკვირვება, მსჯელობა, წერითი დავალების შესრულება.

მეთოდები_გონებრივი იერიში, ინდივიდუალური წერითი მუშაობა, ჯგუფური მუშაობა.

რესურსები_ტექსტი, კითხვები, საპრეზენტაციო ტექსტები, IST _ მონიტორით სხვადასხვა სტილის მცირე ზომის ტექსტების ჩვენება და მატზე დაკვირვება (დახმარების მიზნით).

თანმიმდევრობა:

1. შესავალი საუბარი (ნებისმიერი ჩვენგანის ზეპირი და წერითი მეტყველების სტილი, მისი დანიშნულება; პოეტური და პროზაული სტილი...)
2. გონებრივი იერიში _ რამდენად განაპირობებს მწერლის სტილი ტექსტის ადეკვატურად გაგებას? რა იცით ამ საკითხზე?
3. 5 წუთიანი მოდელირებული წერა _ ჩამოწერონ (5 წინადადებით) თავიანთი შეხედულებები სტილის რაობისა და დანიშნულების საკითხზე.
4. წერითი ნაშრომების წაკითხვა (4-5 მოსწავლის).
5. ჯგუფებად დაყოფა და დავალებების მიცემა _ წერილობით ჩამოაყალიბონ მსჯელობა _ რა ინტერპრეტაცია მიეცა მკითხველთაგან ი. ლომოურის ,,შემთხვევას'' და რამ განაპირობა ეს?
6. ჯგუფური ნამუშევრების პრეზენტაციები.
7. შემაჯამებელი მსჯელობა მთავარ საკითხზე.
8. შეფასება_მიმდინარე, განმავითარებელი; ვაფასებ პრეზენტატორებს.

საშინაო დავალება: ესე_სტილი და ინტერპრეტაცია (7-8 აბზაცი).

გაკვეთილის თემა _ ლიტერატურული მოზაიკა (VIII კლასი) მასწავლებელი ნინო ბილიხოძე

სასწავლო მიზნები _ მსჯელობის, დასკვნების გამოტანისა და მათს გასამყარებლად ციტატების გამოყენების, პრობლემურ საკითხზე ტექსტის შექმნის უნარ-ჩვევების გაუმჯობესება. მოსწავლეები წაიკითხავენ ,,მოზაიკის'' ტექსტებს, გაიგებენ, ახსნიან, გაანალიზებენ მათ; გამოკვეთენ პრობლემებს და დასახავენ მათი გადაჭრის გზებს; დაწერენ ტექსტს ამ პრობლემის შესახებ.

ეროვნული სასწავლო გეგმა _ VIII.1,5,10

აქტივობები _ კითხვა-პასუხი, ტექსტის კითხვა, მსჯელობა, წერითი დავალების შესრულება.

მეთოდები _ გონებრივი იერიში, ინდივიდუალური და ჯგუფური მუშაობა.

რესურსები _ ტექსტები, კითხვები, წერითი დავალების ტექსტები, IST_მოზაიკის ტექსტების შესაბამისი ფერწერული რეპროდუქციების ჩვენება კლასიკოსების შემოქმედებიდან.

თანმიმდევრობა:

1. შესავალი საუბარი თაობათა შორის ერთიერთობის საკითხებზე_2წთ
2. გონებრივი იერიში _ გაიხსენეთ, რა პრობლემებზე მსჯელობდით გასულ წელს და რომელ თხზულებათა საფუძველზე?_4-5წთ
3. წასაკითხავად ვაძლევ ,,მოზაიკის''გვერდს. დავალება: თითოეული ტექსტიდან თითო წინადადებით ამოწერონ მთავარი აზრი. ვმსჯელობთ, ვიხსენებთ, რომელია ამ ტექსტებიდან მათთვის ნაცნობი _10წთ
4. ჯგუფებად დაყოფა. დავალება _ გამოკვეთეთ ერთიანი მთავარი პრობლემა; ჩამოწერეთ მისი გადაჭრის საშუალებები_10წთ
5. პრეზენტაციები_10წთ
6. შემაჯამებელი მსჯელობა_5წთ
7. შეფასება_მიმდინარე, განმავითარებელი. ვაფასებ ჩართულობით; ვაფასებ პრეზენტატორს; ჯგუფებს ვაძლევ უფლებას, შეაფასონ 1 მოსწავლე_3-4წთ

საშინაო დავალება_3-4 აბზაცის მოცულობით გაანალიზეთ თქვენ მიერ შერჩეული ტექსტი ,,მოზაიკიდან''.

გაკვეთილის თემა _ ნუგზარ შატაიძე ,,მოგზაურობა აფრიკაში'' (VII კლასი) მასწავლებელი მარინა ტაბიძე

გაკვეთილის მიზნები: ტექსტის მიზნის ამოცნობა, მასში აღწერილი პრობლემის

გაანალიზება, ტექსტის ენაზე დაკვირვება, ინფორმაციის დამოუკიდებლად მოძიების, მსჯელობის უნარებს განვითარება.

მოსწავლის სტანდარტი: VII.1  მოიძიებს ან საგანგებოდ ქმნის შესაფერის ვიზუალურ მასალას, შეარცევს თემას ზეპირი გამოსვლისთვის. VII.8  განსაზღვრავს ძირითად იდეას, ამოიცნობს და განმარტავს პერსონაჟის სახეების შექმნის ზოგიერთ ხერხს.

გამოყენებული მეთოდი: კოგნიტური დიაგრამა (პრობლემა და მისი გადაჭრის სქემა).

მუშაობის ფორმა: მუშაობა მთელ კლასთან, ინდივიდუალური, წყვილური.

რესურსები: სახელმძღვანელო, კომპიუტერი, ფოტოები, სლაიდები, CD პლეიერი.

გაკვეთილის მსვლელობა

აქტივობა 1 - 2წთ _ მასწავლებლის მოკლე შესავალი-მისალმება განწყობის შესაქმნელად. მივმართავ კლასს, გაკვეთილისათვის მზადყოფნა ქულებით შეაფასონ. შემდეგ ვაცნობ მატ გაკვეთილის მიზნებს და ვთხოვ დამეხმარონ მის მიღწევაში (მუშაობა მთელ კლასთან).

აქტივობა 2 - 3წთ _ მოსწავლეები ისმენე სიმღერას ,,გამარჯობა აფხაზეთო, შენი''. ვეკითხები კლასს _ რა ემოციები მოეძალებათ, როცა საქართველოს ამ კუთხეზე _ აფხაზეთზე საუბრობენ ან ფიქრობენ. მოსწავლეები პასუხობენ, რომ სიამაყესთან ერთად სინანულის გრძნობა ეუფლებათ, ისტორიული წარსული აგონდებათ, ის ტრადიციები და წეს-ჩვეულება აგონდებათ, რითაც ქართველები და აფხაზები ერთმანეთს უკავშირდებოდნენ ა.შ.

აქტივობა 3 - 15წთ _ მოსწავლეები პასუხობენ საშიანო დავალებას (მათ თავად უნდა დაეძებნათ ყველანაირი ინფორმაცია აფხაზეთზე: გეოგრაფიული, ისტორიული, კულტურული, ცნობები მოსახლეობაზე, მეურნეობაზე და ა.შ.). მოსწავლეები აკეთებენ პრეზენტაციებს კომპიუტერისა და პროექტორის გამოყენებით, გამოიყენეს ფოტოები, ფერადი სლაიდები (მუშაობის ფორმა ინდივიდუალური, შეფასდება მოსმენის უნარი, თვალსაჩინოების წარმოდგენა, ორიგინალურობა დაკვირვებით).

აქტივობა 4 - 15 წთ _ ვუჩვენებ კადრებს ფილმიდან ,,გაღმა ნაპირი''. კლასს ვეუბნები, რომ ეს არის კადრები ფილმიდან, რომელსაც საფუზვლად დაედო ნ.შატაიძის მოთხრობა ,,მოგზაურობა აფრიკაში''. (მოსწავლეები ერთვებიან საუბარში, იხსენებენ შსაბამის ადგილებს მოთხრობიდან). მოსწავლეებს ეძლევათ დავალება, კიდევ ერთხელ გადახედონ ტექსტს (სახლში უკვე ჰქონდათ წასაკითხად) და გამოყონ საინტერესო ადგილები, იმსჯელონ, რატომ გაამახვილეს მათზე ყურადღება. მოსწავლეები გამოთქვამენ საკუთარ მოსაზრებებს იმის შესახებ, თუ რატომ სუნქავდნენ ბიჭები წებოს და იყო თუ არა ეს გამოსავალი, გმირის ხასიათის რომელი თვისებები ჩანს მოთხრობის სხვადასხვა სტრიქონიდან (მაგ. 70-111-ე სტრიქონებში) და ა.შ. მოსწავლეები აკვირდებიან ტექსტის ენასაც, საუბრობენ ჟარგონსა და ბარბარიზმზე (მუშაობა წყვილებში, შეფასდება ჩართულობა).

აქტივობა 5 - 8წთ _ მოსწავლეები აჯამებენ საკუთარ მოსაზრებებს. ვიყენებთ კოგნიტურ დიაგრამას. ვთხოვ მოსწავლეებს შეავსონ სქემა, რომელიც დიდ ფორმატზეა დახაზული (შეფასდება დასკვნების გაკეთების უნარი დაკვირვებითა და ჩანაწერებით).

საშინაო დავალება 2წთ _ დაწერეთ მცირე ესსე მოთხრობიდან მიღებული შთაბეჭდილებების გამოყენებით.